सातवा दिवस - गुजरातमधील श्री सोमनाथ, द्वारका, पोरबंदर, गिरणार पर्वत इ धार्मिक ठिकाणांना भेटी देण्यासाठी सहल -

 सातवा दिवस - 11/2/23


पहाटे 3 च्या दरम्यान डहाणू स्टेशन येणार असल्याने निश्चिन्त झोपण्याचा प्रश्नच नव्हता, 2 वाजताच उठून आपापल्या बॅगा व सामान सांभाळत, दरवाजात एकमेकाला सावरत सगळे स्टेशनची वाट पाहत होतो, अंधार वेगाने चिरत पहाटे 3.30 ला, गाडी डहाणूला आम्हाला उतरवून पुढे मुंबई ला रवाना झाली अन महत्वाचा टप्पा पार पडला. 

टाटा ...

धन्यवाद रेल्वे, आम्हाला वेळेत आणि सुखरूप पोहोचवण्या बद्दल....

आम्हाला घेण्यासाठी नाशिक हुन गाडी आलेलीच होती. लगेच तिच्यात बसून नाशिकसाठी प्रयाण केले. काही डुलकी घेत, काही गप्पा मारत, यात्रेतील आठवणींमध्ये गुंगले होते, काही मनाने केंव्हाच घरी पोहोचले होते. रस्त्यात एके ठिकाणी पहाटेचा चहा घेत, रस्त्याने गाडीतुन च त्रिंबकेश्वर महाराजांचे दर्शन घेत असताना सुर्यादेवानेही दिलेले दर्शन सर्वाना आनंदित करून गेले,. आपल्या शहरात, आपल्या मातीत पाऊल ठेवण्याचा आनंद वेगळाच, त्याबरोबर आपल्याला घेण्यासाठी कोणीतरी आले ही अनुभूती देखील सुखावणारी होती. सर्वांनी पुन्हा लवकर भेटण्याचे आश्वासन देऊन एकमेकांचा निरोप घेतला...

अशा रीतीने बहुप्रतिक्षित अशी यात्रा यशस्वी पार पडली...

या यात्रेविषयी आमच्या संयोजिका सौ शुभांगी सूर्यवंशी मॅडम यांनी त्यांचे विचार पुढील शब्दात विशद केले..

*नमस्कार*

मी सौ. शुभांगी अरुण सूर्यवंशी मातोश्री ट्रॅव्हल्स आणि मातोश्री हॉलिडेज या परिवारातर्फे आपल्या सर्वांचे पुन्हा एकदा आभार मानते. आपल्या सर्वांच्या सहकार्याने सोमनाथ, द्वारका, बेट द्वारका, पोरबंदर, शिवराजपुर बिच, आणि गिरणार दर्शन ही सहल अतिशय चांगल्या रीतीने आम्हाला पार पाडता आली. 

       मी आपल्यापैकी बऱ्याच जणांना प्रथमच भेटले. परंतु मला असे जाणवले नाही की, आपण यापूर्वी भेटलेलो नाही. या सहलीमुळे मला खुप सार्‍या नवीन मैत्रिणी मिळाल्या आणि मी काल सांगितले त्याप्रमाणे मातोश्री परिवाराच्या कुटुंबातील सदस्यांमध्ये वाढ झाली. आपल्यासोबत ही सहल करताना मला तसेच आपल्या सर्व मातोश्री परिवाराला अतिशय आनंद झाला. त्यासाठी पुन्हा एकदा आपल्या सर्वांना खूप खूप धन्यवाद.

      ही सहल माझ्यासाठी अतिशय अविस्मरणीय आहे. कारण माझे येणे जवळजवळ अशक्य असताना, आजवर कधीही न घडलेली गोष्ट घडली व हायकोर्टने आपली इन्स्पेक्शनची ऑर्डर बदलली, हा एक खरोखर दैवी चमत्कार आहे. दत्त महाराजांचे पादुकांचे दर्शन घेतल्यानंतर माझी काय अवस्था होती हे शब्दात वर्णन करणे अशक्य आहे. तुम्हा सर्वांच्या जबरदस्त इच्छाशक्तीमुळे हायकोर्टाला इन्स्पेक्शन ची तारीख बदलणे भाग पडले यासाठी मी तुमच्या सर्वांची कायम ऋणी राहील. 

      मी तुम्हा सर्वांना खात्रीपूर्वक सांगते की, या पुढची आपली सहल ही अजून जास्त आनंददायी व चांगली करण्याचा आम्ही नक्कीच प्रयत्न करू.*

 धन्यवाद🙏*

🙏🙏🙏

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

1. आमची श्री जगन्नाथ पुरी यात्रा

इमेज
  आमच्या चार धाम यात्रेतील शेवटचा टप्पा -  श्री जगन्नाथ पुरी यात्रा  प्रवास दिवस 1 व 2  - 03/04.12.2023 दि 3.12.23 ला नाशिकहून रेल्वेने निघून, दि 5 ते 14 डिसेंबर या कालावधीत श्रीक्षेत्र जगन्नाथ पुरी, कोणार्क येथील सूर्य मंदिर, भुवनेश्वर चिल्का सरोवर, गंगासागर कलकत्ता शहर, हावडा ब्रिज इत्यादी करून पुढे गया, बोध गया त्यानंतर वाराणसी आणि शेवटी प्रयाग (अलाहाबाद) करून विमानाने मुंबईला परत. अशा ठरलेल्या नियोजना प्रमाणे तयारी करून सर्वजण तीन तारखेला रात्री साडेदहा वाजता स्टेशनवर जमले आणि साडेअकराच्या ट्रेनची वाट बघू लागले.  तीन यात्रांचा दांडगा अनुभव पाठीशी असल्यामुळे यावेळेस तयारीसाठी पाहिजे तेवढे टेन्शन किंवा काळजी नव्हती.   सर्व सहज सहज तयार झाले. संतश्रेष्ठ श्री गजानन महाराजांची कृपा आणि श्री जगन्नाथ पुरी भगवान यांचा आशीर्वाद यामुळेच सौ शुभांगी सूर्यवंशी वहिनींची रजा आदल्या दिवशी मंजूर झाली आणि त्यांचे जोडीने आपल्या सोबत येणे नक्की झाले. त्याचप्रमाणे यावेळेस आमच्या सोबत  जुन्यातले तीन सहकारी कमी झाले. दोन जण ऐनवेळी काही कारणामुळे रद्द झाल्याने  त्यांच्या जागी श्री शांताराम शेलार आणि  सुनी
अधिक वाचा

2. श्री जगन्नाथ पुरी यात्रा - , कोणार्क

इमेज
आमच्या चार धाम यात्रेतील शेवटचा टप्पा -  श्री जगन्नाथ पुरी यात्रा -  श्री जगन्नाथ मंदिर, कोणार्क  दिवस 1  - 05.12.2023 पूर्वपार ऐकत आलोय की आयुष्यात एकदा तरी चार धाम यात्रा केली पाहिजे.  ज्याची चार धाम यात्रा पूर्ण होते, त्याला मोक्ष मिळतो.  सर्वांचीच ही यात्रा पूर्ण होते असेही नाही. अतिशय कठीण असते ही यात्रा. पूर्वीच्या काळी चारधाम यात्रेला मनुष्य निघाला, की तो परत येईल याची शाश्वती नसायची. त्यामुळे त्याला तशा पद्धतीने निरोप द्यायचे.  परंतु हल्ली भरपूर सोयी झाल्यात. दळणवळणाची साधने खूप वाढली आहेत आणि ते सहज उपलब्ध देखील आहेत. त्यामुळे पूर्वी इतक्या यात्रा अवघड राहिल्या नाहीत. तरीदेखील एक अनामिक हुरहूर ही असतेच.  जमेची बाजू ही की आमचे तीनही धाम पूर्ण झाले आणि त्यातल्या त्यात सोपे असलेले शेवटचे धाम सुरू करत होतो,  त्यामुळे उत्साह शिगेला पोहोचलेला होता.  या उत्साहात प्रसन्न वातावरणातच सकाळी आठ वाजेच्या दरम्यान श्री जगन्नाथ पुरी स्टेशनवर उतरलो.  नेहमीप्रमाणे आम्हाला घेण्यासाठी गाडी हजर होतीच. गाडीतून लगेचच *हॉटेल स्विमिंग* या समुद्रकिनाऱ्यावरील सुंदरशा हॉटेलला पोहोचलो. सायंकाळी निवांत दर्
अधिक वाचा

4. श्री जगन्नाथ पुरी यात्रा - गंगासागर

इमेज
आमच्या चार धाम यात्रेतील शेवटचा टप्पा -    श्री जगन्नाथ पुरी यात्रा - गंगासागर दिवस 3 - दि. 07.12.2023 सकाळी आठ वाजेच्या आसपास रेल्वेने शालिमार (कलकत्ता) येथे पोहोचलो. या ठिकाणी पावसानेच आमचे स्वागत केले., त्यामुळे पुढील प्रवासासाठी निघायला आम्हाला जवळपास एक तास उशीर झाला. सकाळी हॉटेल मिळणार नसल्यामुळे आम्ही परस्पर गंगासागर ला जाण्याचा निर्णय घेतला . कलकत्ता शहरातून बाहेर पडून गंगा, अर्थात हुबळी नदी (स्थानिक भाषेत - हूगळी नदी) च्या किनाऱ्या किनाऱ्याने डायमंड हार्बर रोड ने दक्षिणेस जवळपास 90 किलोमीटरचे अंतर पार केले.  जवळच्या खाऊचा नाश्ता करीत आणि रस्त्यात एका ठिकाणी चहापानाचा आनंद घेत गाण्यांच्या भेंड्या खेळत मजेत वेळ गेला. या आनंदाचे मूळ कारण होते ज्या यात्रेसाठी आलो आहे,  पहिल्या दिवशीच त्या जगन्नाथाचे दर्शन झाल्यामुळे यात्रेचा मूळ हेतू सफल झालेला होता. आणि हा आनंद अनाहूतपणे सौ शुभांगी वहिनींच्या स्वरचित पुढील गाण्यातून उत्स्फूर्तपणे व्यक्त झाला आणि मग सर्वांनी त्यांच्या मागे त्या गाण्याची री ओढली. गंगासागरच्या दर्शनाला जायाचं जायाचं....        आनंद पोटात माझ्या माईना माईना ....     
अधिक वाचा