सहावा दिवस - गुजरातमधील श्री सोमनाथ, द्वारका, पोरबंदर, गिरणार पर्वत इ धार्मिक ठिकाणांना भेटी देण्यासाठी सहल -

 सहावा दिवस - 10/2/23

यात्रा खऱ्या अर्थाने काल संपली. आज परतीच्या प्रवासाची औपचारिकता बाकी. सकाळी लवकर आवरून सर्व नाश्त्याला जमले. आज परतीच्या प्रवासा व्यतिरिक्त कोठे जायचे नसल्याने सर्व तसे निवांत होते, पण इतक्या लवकर यात्रा संपल्याची रुखरुख कोठेतरी प्रत्येकाच्या मनात होती. अजून 4-5 दिवस तरी यात्रा असावी असे वाटत होते. जुन्यांचे एकमेकांशी संबंध होतेच पण नव्याने ग्रुप मध्ये सहभागी झालेल्या काळे, कोल्हे, सलादे, खैरनार व नेरकर कुटुंब  यांच्याशीही  सर्वांचे  5 दिवसांतच मैत्रीचे व सलोख्याचे ऋणानुबंध निर्माण झाले.  अशा भावुक वातावरणातच सर्व असतांनाच,  काका व सौ शुभांगी वहिनींनी समारोपाच्या कार्यक्रमाची तयारी केली. प्रत्येकाने यात्रेदरम्यान आपल्याला आलेले अनुभव कथन केले. मातोश्री कडून आपल्या अपेक्षा व्यक्त केल्या व दिलेल्या सहकार्या बद्दल आभार व्यक्त केले आणि भविष्यातील यात्रेला असेच सहकार्य, शुभेच्छा आणि प्रतिसाद लाभेल अशा प्रकारची ग्वाही दिली. त्यानंतर लगेचच जुनागड येथून सुरेंद्रनगर पर्यंतच्या प्रवासास सुरवात केली. आरक्षण केलेली ट्रेन सुरेंद्र नगर पासून निघणार असल्याने हा द्राविडी प्राणायाम करावा लागला. गाडी थोडी लेट झाल्याने धाकधूक वाढली होती, पण अर्धा तास अगोदर सुरेंद्र नगर ला पोहोचलो आणि लगेच धावपळ करीत पुढची गाडी पकडली. या सर्वात प्रत्येकाचीच खूप धावपळ झाली. हाश हुश करत सर्वांनी एकदाच्या जागा पकडल्या अन सुस्कारा सोडला..

पुढे बायकांच्या अन पुरुषांच्या वेगवेगळ्या गप्पा रंगल्या, अहमदाबाद आल्यावर सर्वानीच थोडे थोडे खावुन घेतले अन डहाणू पर्यंतच्या 4 तासांच्या झोपेसाठी पथारी टाकली...

11.02.23

आज पहाटे चार वाजेच्या दरम्यान गाडी डहाणू रोड स्टेशनला पोहोचली लगबगिने सर्व खाली उतरलो आणि गाडीला टाटा बाय-बाय केले.  नाशिकला घेऊन जाण्यासाठी आमची गाडी स्टेशनला हजरच होती. लगेचच नाशिकचा प्रवास सुरू केला आणि आठ वाजेच्या आसपास जव्हार, त्रंबक मार्गे नाशिकला पोहोचलो. अशा रीतीने आमच्या या छोटेखानी यात्रेचा सुंदर समारोप झाला पुन्हा सर्वांनी एकमेकांचा निरोप घेऊन परत लवकर भेटण्याच्या आश्वासनासह सर्वांचा निरोप घेतला

धन्यवाद मातोश्री ....

🙏🙏🙏

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

1. आमची श्री जगन्नाथ पुरी यात्रा

इमेज
  आमच्या चार धाम यात्रेतील शेवटचा टप्पा -  श्री जगन्नाथ पुरी यात्रा  प्रवास दिवस 1 व 2  - 03/04.12.2023 दि 3.12.23 ला नाशिकहून रेल्वेने निघून, दि 5 ते 14 डिसेंबर या कालावधीत श्रीक्षेत्र जगन्नाथ पुरी, कोणार्क येथील सूर्य मंदिर, भुवनेश्वर चिल्का सरोवर, गंगासागर कलकत्ता शहर, हावडा ब्रिज इत्यादी करून पुढे गया, बोध गया त्यानंतर वाराणसी आणि शेवटी प्रयाग (अलाहाबाद) करून विमानाने मुंबईला परत. अशा ठरलेल्या नियोजना प्रमाणे तयारी करून सर्वजण तीन तारखेला रात्री साडेदहा वाजता स्टेशनवर जमले आणि साडेअकराच्या ट्रेनची वाट बघू लागले.  तीन यात्रांचा दांडगा अनुभव पाठीशी असल्यामुळे यावेळेस तयारीसाठी पाहिजे तेवढे टेन्शन किंवा काळजी नव्हती.   सर्व सहज सहज तयार झाले. संतश्रेष्ठ श्री गजानन महाराजांची कृपा आणि श्री जगन्नाथ पुरी भगवान यांचा आशीर्वाद यामुळेच सौ शुभांगी सूर्यवंशी वहिनींची रजा आदल्या दिवशी मंजूर झाली आणि त्यांचे जोडीने आपल्या सोबत येणे नक्की झाले. त्याचप्रमाणे यावेळेस आमच्या सोबत  जुन्यातले तीन सहकारी कमी झाले. दोन जण ऐनवेळी काही कारणामुळे रद्द झाल्याने  त्यांच्या जागी श्री शांताराम शेलार आणि  सुनी
अधिक वाचा

2. श्री जगन्नाथ पुरी यात्रा - , कोणार्क

इमेज
आमच्या चार धाम यात्रेतील शेवटचा टप्पा -  श्री जगन्नाथ पुरी यात्रा -  श्री जगन्नाथ मंदिर, कोणार्क  दिवस 1  - 05.12.2023 पूर्वपार ऐकत आलोय की आयुष्यात एकदा तरी चार धाम यात्रा केली पाहिजे.  ज्याची चार धाम यात्रा पूर्ण होते, त्याला मोक्ष मिळतो.  सर्वांचीच ही यात्रा पूर्ण होते असेही नाही. अतिशय कठीण असते ही यात्रा. पूर्वीच्या काळी चारधाम यात्रेला मनुष्य निघाला, की तो परत येईल याची शाश्वती नसायची. त्यामुळे त्याला तशा पद्धतीने निरोप द्यायचे.  परंतु हल्ली भरपूर सोयी झाल्यात. दळणवळणाची साधने खूप वाढली आहेत आणि ते सहज उपलब्ध देखील आहेत. त्यामुळे पूर्वी इतक्या यात्रा अवघड राहिल्या नाहीत. तरीदेखील एक अनामिक हुरहूर ही असतेच.  जमेची बाजू ही की आमचे तीनही धाम पूर्ण झाले आणि त्यातल्या त्यात सोपे असलेले शेवटचे धाम सुरू करत होतो,  त्यामुळे उत्साह शिगेला पोहोचलेला होता.  या उत्साहात प्रसन्न वातावरणातच सकाळी आठ वाजेच्या दरम्यान श्री जगन्नाथ पुरी स्टेशनवर उतरलो.  नेहमीप्रमाणे आम्हाला घेण्यासाठी गाडी हजर होतीच. गाडीतून लगेचच *हॉटेल स्विमिंग* या समुद्रकिनाऱ्यावरील सुंदरशा हॉटेलला पोहोचलो. सायंकाळी निवांत दर्
अधिक वाचा

4. श्री जगन्नाथ पुरी यात्रा - गंगासागर

इमेज
आमच्या चार धाम यात्रेतील शेवटचा टप्पा -    श्री जगन्नाथ पुरी यात्रा - गंगासागर दिवस 3 - दि. 07.12.2023 सकाळी आठ वाजेच्या आसपास रेल्वेने शालिमार (कलकत्ता) येथे पोहोचलो. या ठिकाणी पावसानेच आमचे स्वागत केले., त्यामुळे पुढील प्रवासासाठी निघायला आम्हाला जवळपास एक तास उशीर झाला. सकाळी हॉटेल मिळणार नसल्यामुळे आम्ही परस्पर गंगासागर ला जाण्याचा निर्णय घेतला . कलकत्ता शहरातून बाहेर पडून गंगा, अर्थात हुबळी नदी (स्थानिक भाषेत - हूगळी नदी) च्या किनाऱ्या किनाऱ्याने डायमंड हार्बर रोड ने दक्षिणेस जवळपास 90 किलोमीटरचे अंतर पार केले.  जवळच्या खाऊचा नाश्ता करीत आणि रस्त्यात एका ठिकाणी चहापानाचा आनंद घेत गाण्यांच्या भेंड्या खेळत मजेत वेळ गेला. या आनंदाचे मूळ कारण होते ज्या यात्रेसाठी आलो आहे,  पहिल्या दिवशीच त्या जगन्नाथाचे दर्शन झाल्यामुळे यात्रेचा मूळ हेतू सफल झालेला होता. आणि हा आनंद अनाहूतपणे सौ शुभांगी वहिनींच्या स्वरचित पुढील गाण्यातून उत्स्फूर्तपणे व्यक्त झाला आणि मग सर्वांनी त्यांच्या मागे त्या गाण्याची री ओढली. गंगासागरच्या दर्शनाला जायाचं जायाचं....        आनंद पोटात माझ्या माईना माईना ....     
अधिक वाचा